Starnews-ն արդեն տեղեկացրել է, որ երեկ՝ մայիսի 9-ին, ողբերգական պայմաններում մահացել է հաղորդավարուհի Արմինե Ճաղարյանը:
Նա հումորիստ, սցենարիստ Վահե Խաչատրյանի կինն էր: Զույգն ամուսնացել էր նախորդ տարի: Ընդամենը մեկ ամիս առաջ նրանք «Չէին սպասում» հաղորդման շրջանակներում ներկայացրել էին իրենց շքեղ առանձնատունը:
Հավելենք, որ երեկ Արտակարգ իրավիճակների նախարարությունը նոր մանրամասներ է հայտնել հաղորդավարուհի Արմինե Ճաղարյանի մահվան վերաբերյալ։
Գերատեսչության հայտարարության մեջ նշվում է, որ Արմինեն Դեբեդ գետում ռետինե նավով նավարկելիս է եղել, երբ ընկել է գետը։ Հաղորդավարուհին անգիտակից է եղել, երբ վերջինիս դուրս են բերել գետից։
Ավելի վաղ հայտնել էինք, որ Արմինե Ճաղարյանի դին փրկարարները դուրս են բերել Ալավերդի քաղաքի «Սանահին» կայարանի մոտակայքից և մոտեցրել շտապօգնության ավտոմեքենային։
Ալավերդու ԲԿ-ում արձանագրվել է վերջինիս մահը։ Մահացածը «Շանթ» հեռուստաընկերությամբ հեռարձակվող «Ճամպրուկս ու ես» հաղորդման վարողն էր։